Gróður fyrir fólk í Landnámi Íslands

Velkomin á vefsíðu GFF

Efling gróðurlendis í Landnámi Ingólfs og endurheimt glataðra landgæða er meginviðfangsefni samtakanna Gróður fyrir fólk í Landnámi Ingólfs (GFF).

Með því að nýta lífræn úrgangsefni sem falla til frá þéttbýlistengdri starfsemi á svæðinu til að græða upp örfoka land fær hugtakið sjálfbær þróun jarðtengingu og raunverulega merkingu.

Erfitt hefur verið að fá reynitré til að vaxa en hér er þó eitt frá 2003 sem hefur öðlast þroska úti á Vogastapa.

Tilkynningar

Forseti Íslands með nemendum Víðistaðaskóla á Vistvangi.

Forseti Íslands Guðni Th. Jóhannesson með nemendum Víðistaðaskóla þann 14.maí 2019 á Vistvangi.

Forsetinn lét ekki sitt eftir liggja við trjáplöntunina.

Á mynd með starfsfólki og nemendum Víðistaðaskóla.

Skilti sett upp á Vistvangi

Vorið 2018 var sett upp skilti á Vistvangi sem útskýrir fyrir vegfarendum hvað á sér stað. Þarna er jú búið að hlaða niður ósköpunum öllum af hrossataði og ekkert nema eðlilegt að einhver skýring sé gefin þar á. Hér fylgir tengill sem sýnir skiltið og svo mynd hvar sem það sómir sér þar suður frá.

Skilti á Vistvangi.pdf

Mynd frá miðju sumri 2018 og sýnir hvar skiltið er staðsett á Vistvangi. Stóra-Eldborg t.h.

Ekki ber á öðru en að skiltið sé notað. Geitahlíð í baksýn. Mynd frá byrjun nóv 2018.

Sandfellsklofi langt kominn.

Tekið var til hendinni þann 27.júlí s.l. þegar ýta var kölluð til frá rekstraraðilum Vatnskarðsnámunnar til að jafna út taðhaugum sem safnast höfðu saman í gömlu malartekjunni vestan í Sveifluhálsi. Með þeirri aðgerð sér nú fyrir endann á uppgræðslu námunnar sem hófst 2015.

Ýtan að verki og ummerki hennar í Sandfellsklofa.

‹ › ×