Úlfarsfell í landi Reykjavíkur I

Staðsetning innan svæðis: Ofarlega í hlíðum fjallsins.
Framkvæmdaár: 1999-2000.
Stærð: Nokkur hundruð fermetrar.
Hæð yfir sjó: 100-140 m.
Samstarfsaðilar GFF: Reykjavík Menningarborg, Skil 21 og Landsvirkjun.

Landlýsing:

Halli: 30%
Hallaátt: Vestur.
Landgerð: Opin 2-3 m há rofabörð.
Gróðurfar fyrir uppgræðslu: Ógrónar moldir.
Aðgerð: Dreifing tilbúins áburðar og sáning grasfræs.

Gróðurfar eftir uppgræðslu:

Meðalgróðurþekja eftir uppgræðslu: 100%.
Tegundir grasa og hálfgrasa: Axhnoðapuntur, beringspuntur, blávingull, bugðupuntur, ilmreyr, rýgresi, snarrótarpuntur, túnvingull, vallarfoxgras, vallarsveifgras; móasef, vallhæra.
Aðrar plöntutegundir: Dúnurt, gulmaðra, hundasúra, klóelfting, ljónslappi, lokasjóður, maríustakkur, músareyra, skarifífill, túnfífill, túnsúra, tungljurt, vallelfting.

Umsögn:

Fullkomlega hefur tekist við að loka rofabörðum, og er þar nú mikill grasvöxtur og fjölbreyttar tegundir grasa, þó að útlendar tegundir séu enn ríkjandi. Í nágrenninu eru ríkulegir fræbankar á fjölbreytilegum gróðurlendum.

Árangur: Ágætur.

Úlfarsfell í landi Reykjavíkur II

Staðsetning innan svæðis: Flatir melar vestan Úlfarsfells.
Framkvæmdaár: 1999-2000.
Stærð: 35 ha.
Hæð yfir sjó: 90-100 m.
Samstarfsaðilar GFF: Reykjavík - Menningarborg, Skil 21 og Landsvirkjun.

Landlýsing:

Halli: 2 - 4%
Hallaátt: Suður og vestur.
Landgerð: Melar með rofabörðum.
Gróðurfar fyrir uppgræðslu: Slitróttur melagróður.
Aðgerðir: Dreifing lífrænna efna, sáning grasfræs og trjáplöntun.

Gróðurfar eftir uppgræðslu:

Meðalgróðurþekja: 90%.
Tegund grasa og hálfgrasa: Beringspuntur, blásveifgras, blávingull, háliðagras, skriðlíngresi, snarrótarpuntur, túnvingull, vallarfoxgras; axhæra, móasef, vallhæra.
Aðrar plöntutegundir: Augnfró, beitilyng, bláberjalyng, blóðberg, dúnurt, flagahnoðri, geldingahnappur, gulvíðir, haugarfi, hnúskakrækill, holtasóley, holurt, hundasúra, hvítmaðra, hvítsmári, kattartunga, klóelfting, kornsúra, krossfífill, krækilyng, lambagras, ljónslappi, loðvíðir, lokasjóður, lúpína, melablóm, músareyra, njóli, rauðsmári, smjörlauf, túnfífill, túnsúra, vegarfi.

Umsögn:

Árangur sáningarinnar er mjög góður, þannig að landið er orðið nær algróið. Svæðið er mjög víða blautt á vorin og þess vegna ber nokkuð á tíglamyndun vegna frosthreyfingar á jarðvegi. Þar rofnar gróðurþekjan. Mikill fjöldi staðbundinna plöntutegunda vex innan um grasið á svæðinu, jafnvel rauðsmári og hvítsmára.

Árangur: Ágætur.