Skógarbringur í Mosfellsbæ

Staðsetning innan svæðis: Norðan Þingvallavegar.
Framkvæmdaár: 1998 og 1999.
Stærð: 20 ha
Hæð yfir sjó: 180-200 m
Samstarfsaðilar GFF: Landsvirkjun og Mosfellsbær.

Landlýsing:

Landgerð: Mólendi, rofabörð, allt að 1 ½ m að hæð, og hálfgrónir rofaflákar.
Halli: 10-15%
Hallaátt: Suðvestur.
Gróðurfar fyrir uppgræðslu: Lyng- og víðigróður í mólendi, hálfgrónir rofflákar.
Aðgerðir: Dreifing lífrænna efna, sáning grasfræs og trjáplöntun.

Gróðurfar eftir uppgræðslu:

Meðalgróðurþekja: 90 - 100%
Tegundir grasa og hálfgrasa: Beringspuntur blávingull, bugðupuntur, ilmreyr, rýgresi, snarrót, túnvingull, vallarsveifgras; axhæra, vallhæra, stinnastör.
Aðrar plöntutegundir: Augnfró, beitilyng, bláberjalyng, blóðberg, brennisóley, brjóstagras, geldingahnappur, grámosi, gulmaðra, haugarfi, holtasóley, holurt, hundasúra, hvítmaðra, kattartunga, kornsúra, krossmaðra, krækilyng, ljónslappi, loðvíðir, lokasjóður, lyfjagras, músareyra, mýrelfting, ólafssúra, skarifífill, smjörlauf, túnsúra, vallelfting.

Umsögn:

Góður árangur, rofabörð alveg lokuð og rofflákar fullgrónir. Grassvörður er sums staðar svo þéttur að tegundum sem fyrir voru í rofflákunum hefur verið útrýmt, og fræ úr nálægum gróðurlendum hefur átt erfitt með að spíra. Víðast hvar á svæðinu er þó umtalsverð íblöndun tvíkímblaða blómplantna eins og ofangreindur plöntulisti ber með sér.
Nokkur frostlyfting hefur orðið á flatlendi neðan rofabarða enda er jarðvegur þar mjög rakur á vorin. Þar er gróðurþekja aðeins 10-20%.
Gras var tekið að sölna á flákum þegar mæling var gerð og bendir það til þess að of lítið magn lífrænna efna hafi fallið á þau svæði.

Árangur: Ágætur.